Familien Rønstad

Assosiert frå SOMMAR 2010

2010-08-11T09:16:00.011+02:00

HØYONN

Som sauebønder må vi kvar sommar få i hus fòr til dyra til vinteren. I år vart nesten alt høyet hesja Her er nokre bilde frå inntaking av høyet:Maria og pappa ligg oppå lasset, spennande!
Gamlesjefen sat på ein stol for å sjå at alt gjekk rett føre seg:)

Daniel synest det er mest stas med traktor.

Godt med mange som hjelper til!

Malin

Minste traktor-køyraren vår. Med kvite bestesko for anledninga:)

Å LIGGE I TELT

Tre spente ungar som hadde det kjempekjekt i teltet. Daniel 4 år, Thor-Erik 5 år og Malin 6 år. Teltet var i hagen vår, så det var heldigvis ikkje så langt å gå når teltturen var slutt:)

HYTTETUR TIL LOEN!

Vi reiste på nokre dagars hyttetur ilag med Aina og Jan Petter og ungane. 6 ungar tilsaman, i alderen 2 til 8 år. Vi var på Alex og bada, bilturar i området, shopping i Olden, endå meir bading, leiking, is-eting og kosa oss skikkeleg desse dagane! Takk for turen!

Her vassar ungane (og JP) i smeltevatn i Olden. Eigaren av staden sa at det var Norges minste badestrand.Maria

Ungane på den rosa Moods-traktoren i Olden. Og foreldra

Hytta vi budde på på Sande camping. Flott hytte med 4 soverom, 2 bad og ellers godt utstyrt.Litt oppvask vart det for oppvaskmaskina virka ikkje...

DS-konsentrert. Andreas og Malin.

Daniel og Thor-Erik.

KOS I ELVADALEN

Heime på øya er det utruleg mange stader ein kan ta med ungane for å finne på noko, ete, leike osv. Elvadalen på Seth er ein kjekk plass for små og større ungar.

Barnehagen/Annbjørg har laga flott skilt

Ein båt som Daniel har laga i barnehagen, og som dei har sjøsett i elva der.

Elva i Elvadalen er passe stor og passe lita til at ein kan leike i den, supert!!

FISKE

Daniel er ein kjekk kar!

Søte Malin:)

Trangt.....?

2010-07-05T21:38:00.002+02:00

Tappa vatn i eit lite basseng til Maria no ein dag, men plutseleg var det ganske fullt der! Måtte no berre flire litt av dei:):)

Ny sykkel

2010-07-05T21:29:00.003+02:00

Daniel har hatt ein veldig liten sykkel, og no trengte han absolutt ein ny og større ein! Malin var med mamma som sykkel-ekspert for å hjelpe til å velge ein fin ein til broren. Daniel blei kjempefornøgd med sykkelen han, og syklar både hit og dit på den:)

Malin har også fin sykkel. Ho er kjempeflink å sykle, og syklar på besøk til vennane sine.

Søskenlike?

2010-05-11T11:56:00.001+02:00

Sat og såg gjennom bilde her på maskina. Leita fram bilde tatt då Malin, Daniel og Maria var 2 år. Eg syns jentene er like, men at Daniel er heilt ulik dei .Kva syns dåkke?

Lisje-gullet 2 år!!

2010-05-02T22:56:00.002+02:00

3.mai fyller Maria 2 år! Lisje-snuppa vår held på å bli stor:) Maria er ei veldig aktiv jente. Ho held oss "i ånde" kvart minutt ho er vaken. Ho styrer og ordnar og hjelper seg sjølv og andre. Maria er omsorgsfull og snill, men det er HO som er sjefen i huset...ingen tvil om det...! Pratar som ein foss, nesten ustoppeleg til tider. Kan fortelje om det ho gjer på i barnehagen, kva Daniel og Malin har gjort og sagt osv. Spør og grev om alt og gir seg ikkje før ho har fått eit svar. Vi har enno til gode å oppleve at ho set seg ned for å sjå på tv, lese i ei bok eller teikne i meir enn ca 1/2 min. Men ho er roleg og søv om natta, heldigvis:) Eller "ligg på lading" som vi kan kalle det. Favorittleiker for tida er dokker (bebi, som ho sei sjølv). Ho kler av dei og matar dei og trillar dei. Maria likar også godt å lage mat, leikemat. Då dekker ho på bordet, og sørger for at alle gjestane får kaffi og pizza eller kva det no er på menyen:)
Mariagullet gir oss mykje glede og latter, og vi er alle veldig glade i henne!
Vi flira litt søndag då vi heldt på å rigga på oss bunader heile gjengen for å fare i konfirmasjon: Rune var i gang med å kave på strømpene og strømpebanda, so spør Maria: " kal du på foppaltlæning, pappa?" Jaja, ho var no inne på noko då, med strømper og sånn...:)

Bursdagen blir feira i barnehagen, og so kjem besteforeldre og nokre oldeforeldre til middag og kaffi etter jobb:)

GRATULERER MED DAGEN!!

Flinke ungar på tur

2010-04-12T10:29:00.003+02:00

2.påskedag gjekk vi på toppen av fjellet, heile gjengen! Malin og Daniel var kjempeflinke og gjekk heile vegen opp og ned, og det er ein ganske travel tur! Maria sat i meis;)

Det var ein stor snøbre på toppen.

Maria hadde nok god utsikt:) Ho var ikkje heilt fornøgd med å sitte i meisa, men ho ville ikkje gå heller... Tilslutt sovna ho:)

Klatring på store steinar er alltid kjekt. Ikkje snakk om å spare på kreftene her...
Farmor nådde oss att, og gjekk ilag med oss. Ein fin tur!

Vatn...

2010-03-18T21:55:00.002+01:00

Mykje nedbør og snøsmelting gjorde i dag til at det vart oversvømmelse i kjelleren vår. Enorme mengder vatn fossa inn i hagen vår (frå naboen sine markar..!) Og sidan alle veitene var fulle, enda eindel 1000 liter inne i huset. Her på baksida av huset var det mykje djupare enn støvlane mine tølte iallefall. Her tok eg bilde i gangen, litt seinere var vatnet godt over første trinnet på trappa og over stikkontaktene..

Velkommen inn:) badeland, nesten...

Endå bra vi ikkje er ferdige å innrede heile kjellaren. No er det ca halve kjelleren som er isolert og har plater på veggane. Det må sjølvsagt rivast. Eg fekk redda ut det meste av lause ting og tang som stod inne. Ungane stod med store auge og såg kor vatnet vaks. Rune var ikkje komen att frå jobb, og vart rimleg fortvilt då eg ringte han, ja.

Godt det finst forsikring...sukk..!

Pratedokke

2010-03-14T22:11:00.003+01:00

Maria er ei jente som pratar og skravler i eitt sett. Ho spør og fortel om alt mogleg, og får ho ikkje svar med ein gong, spør ho 10 gongar til...:) Av og til kan øyrene til mamma og pappa få "gnagsår" av heile greia. Omtrent alt som blir sagt her i huset blir kommentert og registrert av minstetrulta. Ho lærer fort og "har mykje føre seg", og det er vi sjølvsagt veldig glade for. Ho er også veldig bestemt og sta, og blir ekstremt fornærma dersom ikkje ho får viljen sin. I sta kom ho i full fart ned trappa frå loftet og ropte: "mamma, mamma, Dalel e ei lampejente" (Daniel e ei rampejente). Då hadde dei leika seg, og broren var tydelegvis ikkje lydig nok... Pappa har fått høyrt at " du klale ikke å bytte bleie, bæle mamma, Fy skam dej!" då han prøvde å få skifte en skit-bleie... Sukk.. eg mistenkte Rune for å ha lært henne den siste der, då...

Ei godjente er ho uansett, Maria-gullet!

Måneskinsturar

2010-03-01T23:09:00.002+01:00

I nydeleg måneskin har vi vore fleire turar på fjellet. Det har ikkje vore nødvendig å bruke hodelykt eingong. Søndag rende Rune på slalomski nedatt, medan eg hadde super-brettet som eg har brukt fleire gongar før. Eg brukte 2 min frå toppen og ned til fjellveien (øvste skogkanten) med brettet, so det gjekk unna!! Rune cruisa etter på slalom. Mislykka bilde. Forsto meg ikkje på kameraet..

Utstyret klart for utforkøyring.Klar!

Kjekt å ta seg ein tur om kvelden også:)

Sola er god!

2010-03-01T23:00:00.002+01:00

I helga var det kjekt å få vere ute å nyte sola! Den varmar virkelig no! Sandkaker og snøkaker vart steikt i sola:)

Daniel prøvde å møke heile hagen, men måtte gi opp...

Strålar om kapp med sola, ja! Godjenta Maria.

Bæ... Trur denne gjengen her også likar fineveret.

Vi bader, ja:)

2010-03-01T22:54:00.002+01:00

Herleg å bade! Bobler og foss må på!

Desse to er like mykje under som over vatn..:)

Daniel 4 år!!

2010-02-08T23:32:00.002+01:00

9. februar er det 4 år sidan Daniel vart fødd.
Gratulerer med dagen, godguten vår!

Det vert selskap etter barnehagen. Sjørøverkaka er klar!

Lesestund

2010-02-03T20:55:00.002+01:00

Om kvelden, etter Maria har lagt seg, er det mulig med ei roleg stund saman med Malin og Daniel. Det er kjekt når pappa les:)

Og klare for legging etterpå:)

Kjempebaby...

2010-02-03T20:47:00.002+01:00

Maria likar godt å leike med dokker, eller "bebi" som ho seier sjølv. I kveld vart ho ivrig i leiken, og la like godt seg sjølv oppi ei dokkevogn.

Då vi kom til for å passe på at ikkje vogna velta, og for å få Maria utav, oppdaga vi også at "babyen" hadde bæsja i bleien... Ein veldig ekte baby med andre ord.

På toppen med truger

2010-01-15T23:08:00.002+01:00

I dag var eg ferdig på jobb kl 12, og då eg kom heim bestemte eg meg for å prøve å gå på fjellet med truger. Bror Geir har nettopp kjøpt truger, eg lånte dei, og la i veg. Her har eg eple-pause:) Nokså bratt å gå oppover, men det gjekk overraskande bra!

Sånn ser trugene ut for dei som lurer:)

Nydeleg ver! Bilde på toppen høyrer med.

Gler meg til å renne nedover her! Hadde med brett å renne på, så det gjekk unna!

Dersom veret held blir det nok fleire turar opp med truger, eller kanskje ski..?

Barnedåp i Oslo

2010-01-15T22:55:00.002+01:00

Forrige helg var vi i Oslo i Emmy sin barnedåp. Her er ho:)

Kameraet var tomt for batteri før vi var ferdige i kyrkja, og dei bilda vi tok der var kjempedårlige, så det vart tatt veldig lite bilde med oss. Ventar på å få nokre bilde på mail frå andre:)

Malin og Daniel i bunad. So fine! Ikkje lett å stå skikkelig på bilde då...

Snø!

2009-12-27T23:35:00.001+01:00

Her er eit par bilde frå litt aking i dag. Malin, Daniel og Andreas på vei...

I farta!

Blide Daniel- guten vår!!

Fjelltur

2009-12-27T23:28:00.002+01:00

Ein kan ikkje berre ete og late seg heile jula. Det er godt å komme seg på fjellet for litt luft og trim:) Første juledag var veret nydeleg! Men då hadde eg ikkje med kameraet... så desse bilda er frå ein tur rett før jul;) Eg har vore på toppen snart 80 gongar no sidan mai, og det er ikkje verst om eg skal sei det sjølv...;)

Litt utsikt også. Her mot Søvika.

Julaftan

2009-12-27T23:07:00.003+01:00

Nokre pakkar ligg klare under treet, og ungane er klare til å opne dei! Ventar berre på fleire gjestar her:) Både farmor, farfar, besta, mormor, morfar, Egil, Magnus og Geir var her å opna pakkar og åt kaker. Heldigvis hadde ikkje alle med alle pakkane sine hit, då trur eg det hadde blitt komplett kaos.. hihi:)

Uklart bilde, men Daniel var fin:)

Maria prøver på nye regnklede:)
Meir lego!

Malin fekk blant anna eit Nintendo DS spel... såg ikkje henne meir den kvelden, nei... La seg på rommet sitt og spelte.. No er det innført reglar:)

Vi har hatt ei flott jul så langt. Berre late dagar, seine kveldar og seine morgonar!

Rune 35 år

2009-12-06T20:36:00.002+01:00

I går, 5. desember fylte Rune 35 år. Det vart ikkje så mykje feiring, sidan vi har litt sjuke ungar i hus. Men god middag og ei kake hadde vi! Verdens beste pappa og ektemann er du iallefall, og vi er veldig, veldig glade i deg!! Det har ikkje blitt tatt eitt einaste bilde i helga her i hus, det har vi rett og slett gløymt. Så dette er frå i sommar.

Malin 6 år!!

2009-11-27T22:02:00.002+01:00

Laurdag 28. november er det seks år sidan Malin vart fødd!

Gratulerer med dagen store -jenta vår!! Vi er veldig glade i deg, og gler oss til å feire deg heile dagen!!

På Ullevaal!!

2009-11-10T20:23:00.002+01:00

Søndag var vi på cupfinale. Vi fekk billettar, eg ordna meg fri frå arbeidshelg, overnatting har vi hos Erik, og så var det berre å ta turen!
FOR ein kamp det vart!! Og FOR ei stemning!! Litt supporterfargar må til. :)

Her har laga komt på bana.

Lindegaard reddar straffa frå Mota!!!

Gullvinnarane! Litt avstand her. Det var ikkje so lett å ta bilde når eg stod ilag med folk som veiva og hoppa og ropte ...:) Hoppa og ropte sjølv også;)

Ein fantastisk kamp, og ein heilt utruleg opplevelse! Heia Aalesund!!

Ny sveis!

2009-11-05T22:20:00.001+01:00

I dag var både Malin og Daniel hos frisøren. Malin klipte nokså kort hår, og begge fekk farge i håret:)

Søse-guten med blå lugg!

Store-jenta med ei raud stripe:)

Mør

2009-11-05T22:08:00.003+01:00

I går laga vi mør. Som bilda viser, var både store og små i sving!

Kverning/maling av kjøtet. Sauekjøt og hjortekjøt. Godt å blande dei to.

Her er noko av den ferdige mørdeiga. Etterpå vart den føgla slik at det blei mør. Det blei ikkje tatt fleire bilder i går. I dag har møren blitt opphengt i løa for tørk. Ca 6 veker tek det å tørke den der den heng. Gler meg til å smake:)

Badefamilien:)

2009-11-05T22:03:00.002+01:00

Her kosar vi oss!! Kjempedeilig å bade i varmt vatn, ute, akkurat når ein vil!

Bading...:)

2009-10-23T23:10:00.003+02:00

No har vi endeleg fått boblebassenget vi bestilte for fleire månader sidan! Det var klart til bruk seint no i kveld, og då måtte vi berre prøve! Vi hadde ikkje i gong bobler eller massasjedyser når vi knipsa bilda. Men ein kan ha på MASSE bobler!

Det var berre heilt fantastisk deilig! Vatnet er 38,5 grader. Og i kveld var det stjerneklart og vindstille i tillegg så det var perfekt! I morgon blir det bading etter frokost for alle 5!!

Maria

2009-09-22T21:32:00.001+02:00

Då eg skulle ta bilde av katten, stilte Maria seg opp og gjorde seg til, for at eg skulle ta bilde av henne. Her er ho, tøysejenta!!

Pus i hus

2009-09-22T21:24:00.002+02:00

No har vi fått ein kattunge i hus. "Pus" er skaffa gjennom Dyrebeskyttelsen i Ålesund. Ungane er veldig glade i den lille pusen, men den er enn so lenge litt skeptisk til ungane... :)
Vi håper det blir rett ein kosekatt etterkvart, når den har vent seg til livet i huset vårt:)

Skulejenta vår

2009-08-19T21:34:00.004+02:00

I dag byrja Malin i 1. klasse. Ho pakka sekken sin i går, og var ganske spent på dagen i dag då ho la seg. I dag syntes ho det var veldig stas å få putte matboksa i sekken, og gjere seg klar! I går datt også den 4. tanna ut av munnen til Malin, så no er det eit skikkeleg tannlaust smil :)

Spennande! Malin var glad for at mamma skulle vere med første dagen, men ho ville ikkje leiast, hihi:)

Her har ho funne pulten sin.

Tre store (/små??) førsteklassingar ilag med lærar Kirsti.

Vi foreldra var der ei lita stund, men så var det på tide at ungane fekk vere litt på eiga hand. Det gjekk veldig fint kunne Malin fortelje då ho kom heim. Dei fekk to sider i lekse, og det kasta ho seg over med det samme:) Må vel rekne med at det kanskje ikkje alltid blir slik då...

Ferieturen

2009-07-31T21:35:00.004+02:00

I år var vi vekke på ei vekes ferietur:) Vi reiste ilag med familien Vik.
Første stopp var Sandane der vi hadde leigd hytte i 3 netter. Etter det var det booka ei natt på Alex i Loen. Men pga dårlege vermeldingar gjorde vi om litt på det slik at det blei 2 netter på hytte og 2 netter på hotell :D

Vi hadde to slike store romslige hytter. Vi kosa oss sjølv om det regna litt av og til. Fin temperatur var det heile tida.

Ungane bada både i sjøen og i bassenget på campingplassen.

På Hotell Alexandra vart det naturleg nok mykje bading:)

Daniel er meir som ein fisk, ikkje redd for vatn iallefall!

Det er så kjekt å bade!

Boblebad! Herleg!

Malin liker også godt å bade, men er litt meir forsiktig enn broren.
Saknar de bilde av Maria? Ho var heime ilag med mormor og morfar på denne delen av turen:)

På hotell blir det bading, eting og avslapping...! Topp!

Siste del av ferien var vi på hytta til Nina og Karl-Idar på Moltustranda. Det er foreldra til Nina som bygde hytta, som var ferdig i fjor. Vi var så heldige å bli inviterte med dit, og det takka vi sjølvsagt ja til! Kjempekosleg hytte og kjempefin plass!
Hytta nedanfrå.

Fem ungar mellom 1-5 år var på plass, så det var livat:) Maria er også på plass no!

Nydeleg krabbemåltid på verandaen!

Vi trilla til ein barnehage tette ved hytta så ungane fekk leike seg der også.

Maria i full fres. Høgt og lavt som vanleg! Ho er ein energibunt som styrer og kavar heile dagen! Ho klarer det meste denne tuppa her!

Medan vi var på Moltustranda tok vi sightseeing-tur til øyane i området. Det er nesten synd å sei det, men vi har nesten aldri vore i desse trakter før. Etter litt bilkøyring tok vi lunch i Fosnavåg. Det vart også ein liten fjelltur medan vi var på hytta.

Sommar

2009-07-02T20:12:00.000+02:00

Ungane kosar seg!

Saueklipp

2009-07-02T20:09:00.001+02:00

Endeleg fekk sauene snaua seg! Det var gjort ein dag i forrige veke, og eg kan tenke meg dei vart letta etterpå! Sauen ser litt naken og stussleg ut når all ulla er vekke...

Jonsok

2009-07-02T20:00:00.002+02:00

Jonsok feira vi, som alle andre her på øya, på Prestegarden. Der var det aktivitetar for små og store, nydeleg mat, teater, jonsokbryllup, og sjølvsagt bål. Kjempekosleg! Malin spelte teater, og var med i brudefølget:)

Ein liten fjelltur:)

2009-06-23T09:59:00.002+02:00

Barnehagen har vore med på å lage til ein ny tursti i Dyringane. Og vi måtte sjølvsagt ta turen dit for å sjå kva dei har laga til. Det er ei kjempefin rås som ikkje er verken bratt eller ulendt. God for ungane å gå i.

Malin gjekk fremst for å vise veg.

Her har vi kjeks-pause. Maria var slettest ikkje fornøgd med å sitte i meis, ho vil gå sjølv...

Daniel er djupt konsentrert om å opne ein sjokolade.

Meir kjeks, ja...

Der råsa går er det fin kveldssol, faktisk heilt til sola går i sjøen.

Ein kjekk tur som ikkje er for lang for verken store eller små. Der går vi gjerne igjen!

Hesjing

2009-06-14T21:28:00.005+02:00

No ein dag slo Rune ned ein del gras, og planen var å tørke det på markane. Men med dårlegare ver enn venta, bestemte vi oss for å hesje det i staden. Ungane våre har ikkje vore med på hesjing før, so det var litt spennande for dei. Eg var alltid med besteforeldra mine å hesja då eg var lita, men dei siste åra har det vore få hesjar å sjå på øya. Morfar var med å sette opp hesa. Daniel og Maria er spente.

Malin er flink å hjelpe til.

Sånn skal ein lage fine "kjember" av graset før det hengast på strengen.

Malin og Farfar

Hesa tek form.

Her er fem strengar på. Det vart i alt sju.

Ein blir jammen tørst av å jobbe.

Hei Maria! Kom gjennom då!

Litt skeptisk...

Men kraup gjennom til slutt:)

Trøtt Rocker

2009-06-05T13:15:00.002+02:00

Daniel er veldig glad i å sjå på "Olsenbanden jr. på rocker'n" for tida. Då leitar han fram rockegitaren sin, tek på solbriller, og rockar med! No ein dag vart han nok trøtt av all rockinga, for då eg kom inn på stova låg han slik! Måtte berre flire:-) Sov som ein stein gjorde han iallefall.

Ny hekk på plass

2009-05-23T23:30:00.002+02:00

Vi planta hekk for 4 år sidan, men den fekk soppangrep kvart år, så no reiv vi den opp, og planta ny. Den nye er av typen Barlind, og vi håper den blir finare og meir vellykka enn den forrige! No har vi lagt duk og bark rundt, så slepp vi iallefall å luke så mykje ugras:-)

Det ser finare og meir velstelt ut med bark rundt, så det er vi iallefall veldig fornøgde med! No ventar vi på at den skal vekse seg stor og tett... men det tek nok si tid...:-)

Terassen er ferdig

2009-05-23T23:24:00.002+02:00

Det er nokre dagar sidan terassen vart ferdig, og vi har brukt den omtrent kvar dag. Veldig kjekt å sitte i hagen når ungane er der og leikar. Maria spring rundt over alt, klatrar opp på trampolina, prøver å komme seg opp i sklia, klatrer opp trappa til altanen osv, så her må vi vere i umiddelbar nærheit til ei kvar tid. Biletet her er teke seint om kvelden, etter sola var gått ned, og ungane hadde lagt seg:-)

Snart platting

2009-05-14T22:28:00.002+02:00

I kråa attmed garasja har det vore planlagt ein treplatting. I dag begynte Rune på den, og blir vel ferdig i morgon. Med hjelp av farfar vart den retta opp, og no skal borda på.

Vi har ein passe stor altan, men det kan vere kjekt med ein platting som er meir i hagen. Reknar med å få blogga fleire bilder når alt er ferdig:-)

PS: det har vore fullstendig bloggtørke ei stund, men vi er oppegåande og i aktivitet, altså!

Maria 1 år!!

2009-05-02T22:38:00.004+02:00

Søndag 3. mai er Maria eitt år! Dette året har gått so utruleg fort! Tuppelura har allereie kunna å gå i eit par månader, og no er ho overalt i eit forrykande tempo! Ho er skikkeleg "muskete" og skal prøve alt. Ho klatrer og ramlar, dreg ut og riv ned, hermar etter dei to søskena i alt dei gjer og held oss i aktivitet både inne og ute! Ho likar absolutt å vere ute, og har fått smaken på å leike mykje ute no i det siste, med alt fineveret. Då hentar ho skoa sine og vil kleast på:-) Maria er kjekk på alle måtar; mat er ok, søvn er ok, humøret er bra, ho er flink å leike seg. Ja, kort sagt er det ei kjempegod jente vi har! Om dagane no er pappsen heime i permisjon, og det synest dei begge er alle tiders! Men i slutten av mai skal Maria byrje i barnehagen. Det kjem til å bli kjekt det også! Med to omsorgsfulle og snille storesøsken ilag med seg er eg heilt sikker på at Maria får det bra der. På eittårsdagen blir det familieselskap med kaker og kos! Vi gler oss!

Her er to video-snuttar av lisje-gullet:

2009-04-26T21:39:00.002+02:00

I dag nytta vi godveret til å gå på fjellet. Daniel har ikkje vore på toppen før, så vi satsa høgt, og målet var heilt opp! Med mange stopp på veien kom vi oss opp! Daniel måtte vi bere litt, men Malin gjekk so og sei heile vegen sjølv! Og det er bratt opp altså! Trur alle som har gått opp er einige i det... Vi var litt skeptiske til å treffe orm i råsa, men det gjorde vi heldigvis ikkje! Det var veldig kald vind på toppen, så vi skunda oss å ete nista vår, og snudde nedatt. Ungane var blide og fornøgde det meste av turen, og vi kosa oss veldig! Maria låg og sov hos farmor medan vi var vekke.

2009-04-25T20:15:00.002+02:00

Det er so kjekt med finever! So slepp ein å ha på dress og tjukke kle...

Malin på trening

2009-04-25T20:08:00.004+02:00

Denne veka var Malin på si første (fotball)trening. Eg var der ikkje og såg på, men her er eit bilde som eg tok då treninga var over. Malin likte seg godt ho. Fotballbana ligg ved barnehagen, så ungane er lommekjende i området: " Eg og Rakel gøymde oss der vi brukar å plukke surgras", sa Malin... Hjelp, tenkte eg, har dei stukke av frå trenaren no då... Men gøyminga var visst ein del av leiken, (puh!).
:-)

Påskeliljer frå Malin

2009-04-18T21:17:00.002+02:00

I går kveld skulle Malin ut med mat til kaninene. Det var blitt nokså seint, over ni, men Malin fekk vere oppe:-) Medan ho var ute tok ho ei runde på trampolina også, kosa seg åleine ute. Det var begynt å mørkne også no... Plutseleg banka det på altandøra... og der sto ho med masse påskeliljer som ho hadde plukka! Snille, fine storejenta mi!

Maria si hand 18.april

2009-04-18T21:10:00.003+02:00

Sånn ser høgre-handa ut no. Det har blitt heil hud på nesten heile handflata, berre eit par plassar det ikkje er "ferdig" hud. Den venstre handa har ny og heil hud over alt.

Kaniner

2009-04-15T21:21:00.002+02:00

Vi har lova Malin og Daniel at dei skulle få seg kaniner når det vart vår. No er våren her, og kaninene måtte skaffast:-)

Det er to hoer. Nesten heilt like. Malin si heiter Kvitveis og Daniel si heiter Frenk (ja, han fekk bestemme namnet heilt sjølv...) Så no må dei temjast litt så dei blir kjekke å halde:-)

Tur til badeland

2009-04-09T22:26:00.002+02:00

Torsdag reiste vi til Finnøya og badelandet der. Sidan Loen-turen vår gjekk i vasken, lovde vi ungane å fare ein tur dit. Då eg jobbar eindel, og Maria var til kontroll på sjukehuset tirsdag og skal tilbake fredag, var det berre i dag vi kunne fare. Maria vart att heime med farmor, og vi andre kosa oss stort! Tok ikkje mange bilda, då...
Daniel tok sklia sikkert 30 gongar! Og Malin tok den også nokre turar.
Då har vi iallefall fått bada likevell:-)

Herleg ver!

2009-04-09T22:20:00.002+02:00

Onsdag var veret heilt nydeleg, og vi var ute det meste av dagen. Dvs eg var på jobb, men Rune og ungane var ute. Når eg kom heim, bar vi fram utemøblane frå garasjeloftet, og sat på verandaen:-)

Trampolina vart også montert! Kjempekjekt!

Ungane leika seg også på verandaen, laga sovesofa og hus til både seg og dokkene. Maria syntes det var supert å få vere ute utan jakke eller dress.

Oppdatering ang brannskaden

2009-04-04T17:28:00.002+02:00

Sidan Maria brente seg på tirsdag, har vi vore til lege kvar dag for å skifte på såra. I går, fredag, ville legen at vi reiste til sjukehuset slik at fagfolk der kunne vurdere skaden. Legen som såg på Maria sa at huda på blemmene måtte opererast vekk, og vi vart innlagde. Maria måtte faste, og i narkose. Ho var kjempetolmodig og grei. Tok imot medisin uten å mukke. Eg var med henne inn på operasjonsstova til ho sovna. Etter ein liten time var ho ferdig. Det var ikkje noko kjekt å vakne opp etter narkosen med digre bandasjer på hendene, og slangar kopla i foten... Men når ho først kvikna til, gjekk det veldig fint. Vi fekk reise heim om kvelden. Tirsdag skal vi tilbake for kontroll. Må møte med Maria fastande i tilfelle ny operasjon..:-( Får håpe ho slepp det!

No går ho rundt her med nærmast boksehanskar på hendene. Ikkje lett å få leika seg så mykje uten hender, men ho klarer seg bra:-)

Au au au!!

2009-04-01T21:12:00.002+02:00

I går, tirsdag, brente Maria seg på vedovnen... Ho la begge handflatene på ovnen, og har store blemmer i hendene. Ho skreik og skreik, og eg prøvde å få haldt hendene under vatn, det var ikkje lett. Maria var heilt krakilsk og eg måte bruke all kraft for å klare å halde henne i ro i vatnet. Det var nok vanvittig låkt... Etter fleire timar med bering og trøysting sovna ho litt, men vakna fort igjen. Det meste av natta gjekk med til å bere. Ho fekk max dosar med Paracet, og sovna tilslutt utpå morgonen...

Bilde av blemmene tirsdags kveld. Ikkje så lett å sjå. Blemmene var faktisk mykje større i dag tidleg. So då reiste vi på Haramsøya til legen. Han bestemte kva behandlinga skulle bestå i, og det blir dagleg sårskift hos lege no nokre dagar...

I kveld kvikna snuppa eindel til, og styra rundt her på golvet. Godt å høyre at ho flira!

Beste måten å få fast bandasjen på var å træ bomullsraggar oppover hendene...

Blid og glad, tross bandasjerte hender :-) Stakkar lille vennen vår!

Julegåve på ny...

2009-03-30T10:52:00.002+02:00

Til jul fekk ungane masse gåver, og vi tok unna nokre for å spare dei til seinare. I går vart denne bilbana henta fram. Den var kjempepopulær.

Konsentrasjon for å få den ihop...

So søt!

2009-03-25T20:36:00.002+01:00

I dag har dette vesle lammet kome til verda. Kjempesøt!

Daniel syntes det var kjempestas med en "baby". Ville gjerne vere ilag med babyen heile kvelden...

Nydeleg ver!

2009-03-25T20:24:00.002+01:00

Malin -snuppa med tare-hua:-)

I sandkassa for første gong. Maria likte godt å plukke sand for å ete... Malin spurte om det var lenge sidan ho hadde fått mat... sidan ho åt so mykje...hihi!
Deilig å vere ute i solveggen altså!

Tur til Vestnes

2009-03-25T20:16:00.002+01:00

Måndag tok eg og Maria turen til Vestnes for å besøke Norunn (tanta mi). Som vanleg når vi er der på besøk fekk vi mykje god mat. Takk for ein triveleg dag!
Maria hadde ikkje tid å sitje i ro på fanget, mykje nytt å utforske, ja!

Å hjelpe til på kjøkkenet er kjekt!

Kjekt med fint ver!

2009-03-19T09:20:00.002+01:00

Ungane kosar seg ute i fineveret! Det er så godt å kjenne at sola varmar igjen!

Maria synest det er stas å krype på graset (umogleg å gå ute endå...). Mykje rart å finne å smake på også.

Ei fornøgd lita trulte som får herje litt med traktoren. Ho klatra opp på den også, men datt berre ned igjen.

Gudrun 95 år!

2009-03-18T07:52:00.001+01:00

I dag er bestemor/oldemor 95 år! Gratulerer med dagen frå oss her i huset!

Video av Maria

2009-03-12T09:24:00.002+01:00

No har eg lasta opp ein liten filmsnutt av Maria. Den måtte stå uendelig lenge for å laste inn heile filmen sjølv om den berre er på 7 sekund... Sto i 6 minutt faktisk, kan det ver slik det skal ver?

Maria går no

2009-03-11T19:16:00.004+01:00

Før helga begynte Maria å gå 10-12 steg på golvet. No går ho frå rom til rom, viss ho ikkje blir distrahert for mykje:-) Eg har prøvd å få lagt ut videosnuttar her, men får det absolutt ikkje til! (viss nokon kan hjelpe meg, takkar eg for det...) Her er ho iallefall i fullt driv over golvet.

Flirer og koser seg når ho kjem susande! Det blir no eindel detting, då, men ho dett som regel nokså kontrollert. Flinke jente!

Søte pingvinar

2009-03-11T19:11:00.002+01:00

Malin og Daniel kom heim frå barnehagen i dag med desse søte pingvinane. Trur det er ein heil familie som har kome i hus. Dei var iallefall kjempefine!

Gratulerer med dagen Magnus!

2009-03-07T12:53:00.002+01:00

I dag er Magnus-bror 20 år! Vi gratulerer so mykje med dagen, og gler oss til selskap seinere:-) PS: han går ikkje rundt sånn med gevær til vanleg altså, fann berre ikkje anna bilde av han...

Tenner i manko..

2009-03-06T21:55:00.002+01:00

Malin har hatt to lause tenner i lengre tid no, og vi har absolutt ikkje fått lirka på dei. Men i dag på barnehagen, datt først den eine av seg sjølv, og farmora fekk plukke den andre. Og no ligg tennene i eit glas med vatn.....

Trubaduren vår

2009-03-06T21:49:00.002+01:00

Daniel heldt konsert for oss i kveld før han la seg. Han sang og spelte, og ville ha oss til å danse. Rune dansa, men ville ikkje på bilde då... Daniel var komt i nattdressen, og dermed også fått smukken, men den tok han ut medan han sang:-) Storsjarmør Daniel`en vår.

2009-03-03T11:09:00.003+01:00

I dag er det 10 mnd sidan Maria vart fødd. Ho er ei kvikk og travel jente om dagen! Ho vil gjerne gå, men klarer berre eit par steg åleine endå. So då kryp ho i full fart rundt, og røyser seg opp og går etter møblar, veggane osv. Ho treng mykje tilsyn om dagen når ho er over alt heile tida. Men natta derimot er fredleg. No søv Maria ca 12 t i strekk, evt vaknar ein gong for å få smukken sin.

Minste gullet vårt er sjølvskriven deltaker når storesøskena leikar seg, og det synest dei ofte er greit. Maria er stort sett blid, veldig lett for å flire:-) Men kan også bli kjempefornærma viss det er noko som ikkje går heilt hennar veg.

Ho er ein liten skatt som vi alle er veldig glade i!

Nye saueskinn

2009-02-26T11:32:00.002+01:00

I haust, då vi slakta sauer, sendte vi 4 skinn til rensing og behandling. I går fekk vi dei tilbake. Store fine skinn som vi kan bruke til det vi vil. Det var tre lyse skinn, og eitt brunt.

Dei låg utover stovegolvet, og det likte ungane godt!

Mjukt å sitte på når dei såg tv.

Vårteikn!

2009-02-22T21:28:00.002+01:00

Når snøen forsvann no, dukka snøklokkene opp! Alltid kjekt å sjå dei! Det er også godt å merke at det stadig er lengre lyst om dagane, sjølv om det enno kan vere ei stund til våren kjem for fullt.

Søt helg...

2009-02-22T21:22:00.002+01:00

Laurdag baka eg sukkerbollar/fastelavensbollar, og resten av helga har vi ete av dei... Nammm!

Malin hjelpte til med både baking og rulling i sukker. Ho kunne det frå før, for ho har baka sukkerbollar fleire dagar i barnehagen også:-)

2009-02-18T22:48:00.002+01:00

I dag var foreldra inviterte til barnehagen for å sjå dei 5 eldste ungane framføre eit teaterstykke. Flinke ungar og flotte kostymer og kulisser! Malin var Espen Askeladd og hadde mange replikkar som ho klarte fint! Etterpå var det fastelavensbollar og kaffi! Kosleg!

Stolt!

2009-02-18T22:43:00.002+01:00

I dag oppdaga eg Maria slik: Eg gjekk forbi kameraet i det eg hasta bort for å "redde" ho, og rakk akkurat å knipse dette bildet av ei svært fornøgd jente! Ho har ikkje oppdaga at det var råd å klatre opp i stolen før, men no fekk ho det til, ja!

Maria er stor no....

2009-02-16T10:02:00.003+01:00

I det siste har Maria fått sansen for mjølk på flaske(hurra!) og før helga var tida komen for å avenne henne heilt med pupp. Ho hadde sjølv slutta å ville ha pupp om dagen, så i det siste har det vorte berre til kvelds og som nattkos... Etter eit par-tre netter med litt sutring, søv no Maria natta rundt! Herleg! Legg seg 19.30 og søv til 07-08 tida. Klager ikkje eg, nei! No får ho morsmjølkerstatning på flaske 3 gonger for dag.

Koser seg godt med flaske lille snuppa.

Menyen ellers.... Maria vil gjerne smake på det meste, men brød og skiver liker ho ikkje. So då blir det eindel graut, og den et ho gladleg:-)

Malin

2009-02-12T10:39:00.001+01:00

På vei til barnehagen

2009-02-12T10:24:00.002+01:00

Vi har ikkje lange veien å gå til barnehagen, og det er av og til greitt:-) Spesielt i snøkave og motvind. Malin tok jobben med å sparke Daniel (på sparken ja).

Daniel var ikkje vanskeleg å få oppå heller.

Klare for nok ein dag i STORE snødungar! :-)

Daniel 3 år i dag!

2009-02-09T09:23:00.002+01:00

I dag, 9.februar, er det 3 år sidan Daniel kom til verda! No er han ein flink og triveleg kar som stort sett er blid og glad! Daniel og Malin leiker fint ilag og har stor glede av kvarandre. Daniel er flink å snakke, lett å forstå, og han snakkar mykje! Han likar også veldig godt å synge, og kan enormt mange sangar. For tida er han veldig interessert i å sjå Emil på DVD, og syng Emil-sangane for full hals, på svensk:-)
Vi hadde familieselskap i går, og her skal lysa blåsast ut på kaka.

I dag tidleg fekk Daniel pakke frå Malin.

Og i den var det ei motorsag! Supert syntes Daniel, for då kan han sage ilag med pappa!

Is på Demma

2009-02-05T07:30:00.003+01:00

Både Malin og eg fekk skøyter til jul, og no var det på tide å prøve dei. Malin har aldri prøvd skøyter før, og eg har ikkje gått på 15 år, så det var spennande!
Tirsdagskvelden var det kjempeflott is! Malin klarte seg godt, men det var kjekt å ha sparken med for å halde i.

Blank og fin is på tirsdag. Men onsdag var det litt snø oppå. Gjekk godt an å gå på skøyter då også, berre litt mindre glatt.

Maria får kveldsgrauten sin på isen! Det var nok godt, for ho åt masse!

Daniel med risbolle i handa. Litt niste er viktig.

Egil, Daniel, Malin og mamma.

Maria 9 mnd.!

2009-02-03T09:58:00.002+01:00

I dag er lisje-snuppa vår 9 mnd. Maria kryp no i rakettfart på golvet, særleg dersom ho ser etkvart spennande ho vil nå. Ho røyser seg opp etter alt, og det blir dermed også litt knall og fall. Alle dukar, all pynt i glaskarmane, skapdører og liknande har vi måtta sikra. Men det er heilt utruleg kva ho likevell kan klare å nå! No ein dag sette eg ei skål med druer oppå kjøkkenbordet (litt nært kanten slik at Malin og Daniel skulle nå dei). Og kven andre enn Maria klarte å få ei hand oppå der, og grabba seg nokre druer. Så når eg oppdaga ho hadde ho munnen full av druer..! Og ho blei aldeles rasande når eg tok dei frå henne, rett fornærma!
Malin og Daniel leikar ofte med lisje-søstra, men av og til blir det for mykje av det gode, og då hyler Maria og seier frå at ho ikkje vil lengre.
Maria er veldig blid og fornøgd, men krever eindel tilsyn no når ho er så aktiv. Så når eg skal prøve å få gjort husarbeid og slikt (blogging, eller internett-surfing...) blir det gjerne medan ho søv dei to dubbane sine.
Tida går fort, og det er berre to månader til eg skal byrje på jobb igjen. Men Rune skal vere heime med Maria fram til slutten av mai, heldigvis:-)

Gratulerer med dagen!

2009-02-02T10:30:00.002+01:00

I dag er morfar/pappa 55 år! Gratulerer så mykje frå alle oss i Nygjerdet! Dagen vart feira i går med selskap og gjestar, men vi kjem ein tur på besøk i dag også med pakke:-)

Prikkar...

2009-01-28T09:57:00.002+01:00

I går oppdaga vi prikkar på både Malin og Daniel. Vannkoppane har kome i hus! Eigentleg greitt at begge har det samtidig, og kan halde kvarandre med selskap heime.

Prikkane viser ikkje så godt på bilda. Dei har ikkje kjempemange endå, og ungane er heller ikkje spesielt sjuke. Håper det ikkje blir så gale.

Søndagstur

2009-01-25T16:28:00.003+01:00

I det fine veret i dag, tok vi ein tur til Lausundholmen. Vi hadde med pølser og pinnebrød og grilla. På Lausundholmen er det utruleg mykje skrot og vrakgods i fjøra, og ungane leiter og samlar utan stans når vi er der. Der er mange fine små og store haugar og berg å klatre på, så det er alltid noko å finne på.

Farmor var også med. Maria sat i beremeisa medan vi gjekk dit.

Pinnebrød og pølser på gang.

Charlotte og Kim-Andre var også med oss.

Nydeleg ver å fare på tur i!

Då vi kom heim sa Malin: "Det he vør en kjempekjekk dag!"

Gode store-jenta mi:-)

Baby-graut er godt!

2009-01-25T16:24:00.002+01:00

Daniel likar å smake på grauten til Maria. Gjerne skal det brukast baby-skei også. Då set han og ser lur ut og et fornøgd.. Daniel er ein skikkeleg god-gut, som synest det er kjekt å få vere litt baby av og til.

Prøver på so mongt!

2009-01-25T16:18:00.002+01:00

Maria har det med å krype under bord og stolar, og vil røyse seg opp der. Det endar med nokre hyl og dunk og ho må hjelpast fram igjen. Denne gongen tok ho sats under eit nokså lavt bord, ho måtte nesten åle seg under, men inn der ville ho... Ei lita rare:-)

fire x fem

2009-01-21T09:55:00.005+01:00

Ei utordring frå Trine i bloggen Nedstebakken:

4 favorittprogram på tv:

- Grey`s Anatomy
- Beat for Beat
- Med hjartet på rette staden
- Criminal minds

4 ting eg gjorde i går

- trilla tur i fineveret
- vaska og lufta sengkle, vaska soveromma
- bada alle tre ungane
- bestemte kva tak og veggar i kjellaren skal bestå av....

4 ting eg ser fram til

- Nordøyvegen kjem på plass
- gler meg eigentleg til vår og sommar, men eit lite skår i gleda er at eg skal begynne å jobbe igjen då...
- påsketur ilag med fam.Vik
- klubb-turen vår til hausten

4 favorittrestauranter

- Egon
- Big Horn
- Lyspunktet (ikkje akkurat restaurant, men dei har kjempegod mat der!)
- Hong Kong

4 ting på ønskelista mi

- at alle i familien held seg friske
- fleire barnefamiliar på øya
- Nordøyvegen MÅ komme
- stor pengesum på konto

Nye "sko"

2009-01-20T10:32:00.003+01:00

Maria kryp rundt og røyser seg opp etter alt mogleg, og då er det viktig med mjukt, men sklisikkert fottøy:-) Mjuke skinntøfler er behagelige å ha på medan ho kryp, og ho glir ikkje på parketten når ho står. Supert!

Eg syntes desse var så tøffe! Kvite med gull-striper. Daniel syntes det likna litt på fotballsko:-)

Bank-dag

2009-01-16T15:01:00.003+01:00

Ungane var hos Tare i banken og tømte bøssene sine no ein dag, og fekk fine premiar. Nye Tare-huer og refleks var blant gåvene. Tare-hua med refleks på var kjempefin!

Ungane var komt i natt-kleda då bilda blei tekne:-)

No kan eg røyse meg opp!

2009-01-16T14:54:00.002+01:00

Maria har endeleg(?) begynt å klare å røyse seg opp etter ting. Men ho er også nokså flink til å dette ned att på rompa, og det er bra! For ho klarer ikkje å stå så lenge før føtene blir mjuke og sjanglete... Kjempefornøgd over eigen prestasjon!

Ho har eit lurt glis medan ho står slik. Lille snuppa mi!

Maria på helsestasjonen

2009-01-16T14:50:00.002+01:00

I går var Maria på kontroll igjen, og ho veks og legg på seg slik ho skal. Vekta viste 9200g og ho er no 72,5 cm lang. Maria flira og sjarmerte helsesøstra heile tida medan vi var der. Tok ikkje sprøyte eller gjorde noko anna å vere lei seg for heller, då:-) Neste kontroll om ca 2 mnd.

Artig!

2009-01-09T22:28:00.002+01:00

Eg fekk dette bildet på mail med Geir. Litt artig! Malin vart ganske rar i fjeset då ho såg bildet, måtte virkelig tenke litt før ho skjønte at det var tillaga. Sjølv hadde Daniel sett det då onkelen laga det til.

Tjuv på ferde?

2009-01-07T20:08:00.004+01:00

Nokon har endevendt skapet! Kan det vere ubudne gjestar? "Tjuven" vart teken på fersken med hendene langt inni skapet. Heldigvis var det bestikket som var mest spennande, og ikkje skålene og andre knusande saker. I full sving med arbeidet! Ommøblering på gang.

"Det vart no rett bra no"

No er skapdørene låst:-)

Kjelleren vår...

2009-01-07T19:56:00.002+01:00

Vi har ikkje innreidd heile kjellaren, berre gangen og eit vaskerom. Men no set Rune i gang med å gjere litt arbeid i den delen der ingenting er gjort. Ruske-kjelleren er full av ting og tang som skal kastast, flyttast til garasja, settast på loftet... Dette må ryddast først... Her er det meste rydda vekk (ja, der var mykje verre..!) Dette skal bli eit soverom. Det må også takast hol i veggen for å kunne setje inn eit vindauge.

Her er det planlagt kjellarsove. Isolasjonen ligg klar til bruk! Eg må presisere at dette er eit langsiktig prosjekt... Å innrede kjelleren blir nok ikkje ferdig dette året...

Maria

2008-12-30T00:09:00.002+01:00

No har Maria lært seg å krype, og med det også å sette seg opp på kne for å leike, eller prøve å røyse seg (klarer ikkje endå). Ho kryp i full fart mot juletreet og andre spennande ting. Men kan også sette seg til å leike i fred. Flinke jenta! Ho ser så stor ut når ho sit attmed leikekassa og hentar seg leiker!

Lille snuppa som lærer fort!
Kjempegreier å tømme kassa for leiker! Ho har funne ut at det går fortast å velte heile greia....

Julefeiring

2008-12-29T23:44:00.004+01:00

Julaftan åt vi middag hos farmor og farfar. Nydeleg mat, men med ungar som var noko reduserte etter oppkastsjuka, var det varierande kva dei åt... Malin åt 3 poteter, uten kjøt eller anna med smak.... Daniel åt grisemør med mjelk til. Vi vaksne åt masse godt!

Her er ungane i finstasen.

Ventar på pakke-opning! Den gjekk føre seg heime med oss sjølve.

Her har ungane fått ein lampe med spesielt lys.

Malin har fått bord og stolar. Må prøvast. Før kvelden var omme hadde Daniel slått ned minst eit glas med drikke og velta eit fat med mat to gonger frå dette bordet...

Ei kjempestor gravemaskin! Daniel brukte den til å rydde i pakke-rotet.

Kaffi og kaker kunne trengast etter at alle pakkane var opna. Rune har kapitulert etter å ha plutselig fått omgangssjuka.... Han tilbrakte resten av kvelden på badet... festlig. Som bildet viser, ser mor i huset nokså trøtt ut no....

Snart leggetid no... Malin og Daniel prøver nokre av gåvene. Malin i fint ull-undertøy. Daniel har Blåfjell handduk.

Vi fekk alle masse flotte gåver! Tusen takk alle saman!

Julegraut på låven

2008-12-23T18:22:00.002+01:00

Kvart år får fjøsnissen seg ei skål med graut. Og kvart år ligg der att ei gåve til ungane. So i kveld måtte vi opp i løa med grauten, og ei krus med mjelk og ei med saft, så nissen blir mett og god!

Malin lagar til maten på eit bord så nissen skal få sitje bra.

To som er fornøgde med jobben, og ein liten grand spente på om nissen vil komme i kveld også.

Juletre-pynting

2008-12-23T18:12:00.002+01:00

No er treet komt på plass, og all anna julepynt er også plassert rundtomkring, så no kan jula starte:-)

Ungane har ei kasse med eigen pynt som dei henger opp.

Ofte må pynten takast ned og omplasserast nokre gonger før alt er der det skal. Mykje arbeid det...

Klippe litt først... og lys...

Søndagsfrokost

2008-12-21T10:41:00.001+01:00

Ingen fleire som har spydd i natt, og alle er samla til frokost i lag. Kjekt å endeleg få tenne alle fire lysa også!

Spysjuke i hus...

2008-12-21T10:33:00.002+01:00

Laurdag skulle eg og Rune reise til moa for å gjere ferdig julehandelen. Malin og Daniel var plasserte med besteforeldre kvelden før, for vi skulle reise tidleg avgårde. Om natta begynte Daniel å spy.... stakkar gut.... og stakkar morfar som måtte ta alt spyet... Eg og Rune reiste likevell for å få gjort unna handelen. Det var stadig morfar som måtte passe ein sjuk Daniel. Då vi kom heim, hadde Daniel spydd frå seg, og vi fekk ein nokså kvikk og kjekk gut heim:-)

Så no berre ventar vi på at fleire skal bli kvalme... Her er ungane trøtte og klare for senga.

Besøk

2008-12-15T20:47:00.003+01:00

I kveld hadde Malin og Daniel besøk av Mari. Når dei leikar, endar dei gjerne opp som prinsesser alle mann. Med fine kjolar, hanskar og smykker leiker dei fint ilag. Daniel er også prinsesse. Her hadde to av prinsessene kasta kjolen... Alle tre sit i samme stol, nokså forgapt av Blåfjell.

Var mange nakne føter å ta bilder av. Litt artig!

Husbygging

2008-12-15T20:41:00.001+01:00

So er det tid for pepperkakehus-laging. Mamsen står for baking og montering.... Medan Malin og Daniel får vere med å pynte.

Med seigemenn, nonstop og mykje melis blir nok huset søtt og godt!

5 ting eg ikkje klarer meg uten

2008-12-12T11:14:00.002+01:00

Eg fortalde Rune at eg hadde fått ei utfordring frå Siv om å lage ei liste over fem ting eg ikkje klarer meg uten. "Håper eg står der, då", sa Rune. Og det er klart han gjer!

1. Rune og ungane. Dei er det viktigaste.
2. Vår næraste familie.
3. Her kjem eigentleg mange ting, Tv, pc, mobil, bilen. Eg er ganske rådvill etter ei tid utan noko av desse tinga! (stussleg nok)
4. Sjokolade, det et eg kvar dag. Ikkje så mykje, men etpar bitar...
5. Vaskemaskina er mykje brukt... krise dersom den stoppar!

Trur nok eg vil forandre på lista etterkvart, kjem nok på andre ting også.

Nissefest i skogen

2008-12-11T08:05:00.003+01:00

Onsdag laga barnehagen i stand grauta-gilde i gapahuken i skogen. Alle foreldre fekk komme å få graut og julekaker. Med flott ver i tillegg var det veldig kosleg. Barnehagen hadde pynta med faklar og lys i trea. Nokre av ungane framførte songar. Her står Håkon, Daniel, Rakel, Malin, Solveig og Mari. Dei syng "Jeg så mamma kysse nissen".

Maria var også med.

Ventar på grauten..

Her er nissane våre. Daniel ville ver blå og Malin ville ha på nisse-kjolen sin. Med vinterdress under vart nissejenta god og rund!

Heime, snart klare til å gå.

Malin er blid ho!

Liten og lur nisse-gut. Han ombestemte seg med nissehua, ville heller ha blånissehue.

Maria

2008-12-08T10:11:00.002+01:00

Maria er flink å ligge på golvet å leike seg. Aller kjekkast er det når Malin og Daniel også leiker med ho, men i dag er dei i barnehagen. Maria har blitt veldig flink å sitje. Ho sit åleine, ganske stødig, strekkjer seg etter leiker, og røyser seg opp att. Flinke!

Gratulerer med dagen, kjære!

2008-12-05T09:18:00.002+01:00

I dag fyller Rune 34 år. Det blir ikkje så mykje feiring sidan vi feira Malin så mykje forrige helg. Men litt blir det vel:-)

Julekalender

2008-12-01T14:16:00.002+01:00

No er pakkane klare. Hadde tenkt å gjer kalenderen klar i går kveld, men då gløymde eg av heile greia(!). Men no får ungane opne pakke når dei kjem heim frå barnehagen.